ஏன் படைப்பு கோட்பாட்டை ஆன்மீக / ஆத்திக அடிப்படையில் இல்லாமல் அறிவியல் அடிப்படையில் ஏற்கிறேன்?

பொருள் - கருத்து முதல் வாத இறை நம்பிக்கையாளர்களுக்கு / மறுப்பாளர்களுக்கு...

ஆத்திகம் கடவுள் இருப்பை நிரூபிக்கவில்லை, உணர மட்டுமே சொல்கிறது., இருப்பதற்கான நிரூபணத்தை ஆத்திகம் தராததால் அறிவியலிலும் அதை மறுப்பதற்கான அவசியம் இல்லை.

அதே சமயம் உலகம்,உயிர் தோன்றியதற்கான பரிணாமக் கோட்பாட்டை அறிவியல் நிரூபிக்கவில்லை, கோட்பாடு அளவில் தான் கூறுகிறது.

இப்படி இருக்க உலகம், உயிர் தோன்றியதை ஏன் ஆத்திக கோட்பாட்டில் இல்லாமல் அறிவியல் கோட்பாட்டில் ஒத்துக் கொள்ள என் பகுத்தறிவு கூறுகிறது?????

இங்கு கிறித்துவ அல்லது இசுலாமிய கோட்பாடுகளை எடுத்துக் கொள்ளலாம், இந்த விடயத்தில் ஹிந்துக் கோட்பாட்டை பெரிதாக எடுத்துக் கொள்ள தேவையில்லை....அவர்களுக்குள்ளேயே ஒரு முடிவுக்கு வர முடியாத காரணத்தினால்!!!

தொடக்கத்தில் கடவுள் விண்ணுலகையும், மண்ணுலகையும் படைத்த பொழுது...

கிறித்துவம், இசுலாம் இப்படித்தான் ஆரம்பிக்கிறது...(இரண்டிற்கும் ஒரே மூலம் தான். இறைத்தூதர்கள் என்கின்ற நிலையிலிருந்து தான் இரண்டும் வேறுபடுகிறது)

சரி விடயத்திற்கு வருவோம்... 

1.விண்ணுலகத்தையும், மண்ணுலகத்தையும் அவர் எவ்வுலகத்திலிருந்து படைத்தார்???

நீர்த்திரளின் மேல் கடவுளின் ஆவி அசைந்து கொண்டிருந்ததாகவும், நீருக்கு மேலே வானத்தை படைத்து அதற்கு விண்ணுலகம் என்று பெயரிட்டதாகவும் சொல்லப்படுகிறது. அப்படியென்றால் அவர் எந்த உலகத்தில் அசைந்தாடிக்கொண்டிருந்தார்??? இல்லை அந்த உலகம் விண்ணுலகம் என்றால்...அவரின் படைப்புக்கு முன்னரே,விண்ணுலகம் இருந்ததா??? ஏற்கனவே இருந்ததை அவர் மறுபடியும் படைத்தாரா???

2.முதல் நாள் ஒளியையும் , இருளையும் படைத்து ஒளிக்கு பகல் என்றும், இருளுக்கு இரவு என்றும் பெயரிட்ட கடவுள், 4-ஆம் நாள் பகலை ஆள்வதற்கு பெரிய ஒளித்திரளையும்(சூரியன்), இரவை ஆள்வதற்கு சின்ன ஒளித்திரளையும்(சந்திரன்) படைத்தாராம்.

சூரியன் இருப்பதால் தான் அது பகல் எனப்படுகிறது, அதாவது பகலின்(ஒளியின்) மூலம் சூரியன். சூரியன் இல்லாமையே , சந்திரன் இருப்பதால்(இல்லாது இருந்தும்...) தான் அது இருட்டு எனப்படுகிறது.

அப்படியிருக்க,முதல் நாள் ஒளிக்கு, பகலிற்கு மூலம் எது ??? 4-ஆம் நாள் வரை பகலை ஆண்ட மூலம் எது??? முதல் நாள் இரவிற்கு,இருளிற்கு மூலம் எது??? 4-ஆம் நாள் வரை இரவை ஆண்ட மூலம் எது???

3.3-ஆம் நாள் புற்பூண்டுகள், செடி,கொடிகளை படைத்த கடவுள் 4-ஆம் நாள் சூரியன், சந்திரனை படைக்கிறார். சூரியனுக்கும், தாவர வகைகளுக்கும் இருக்கும் சார்பு நிலையை நாம் இங்கு விவரிக்க/விளக்க தேவையில்லை, இப்படிப்பட்ட நிலையில் எப்படி தாவர இனங்கள் சூரியனுக்கு முன்பாகவே படைக்கப்பட்டு வளர்ந்திருக்க முடியும் ???

# ஆத்திகக் கோட்பாடு Out of Human Logic, அதனால் அதை பற்றி சிந்திக்கவே முடியாது என்றெல்லாம் தப்பித்துக் கொள்ள முடியாது... இந்த 3 விடயங்களும் சாதாரண ஆறறிவு படைத்தவர்களுக்கும் எட்டும், நிரூபணத்துடன் கூடிய நடைமுறை உண்மை, இந்த உண்மையை ஆத்திகம் அப்பட்டமாக புரட்டுவதன் மூலம் இது ஒரு பகுத்தறிவுக்கு ஒத்து வராத மூட நம்பிக்கையே என்கின்ற முடிவுக்கு வர முடிகிறது.

இந்த இரண்டு கோட்பாடுகளுக்கும் ஆதாரம்/ நிரூபணம் இல்லாது இருந்தும் ஏன் படைப்புக் கோட்பாடு அறிவியல் அடிப்படையில் ஏற்றுக் கொள்ளத்தக்கது என்பது இதை படிப்பவர்களுக்கு நன்றாகவே விளங்கும்!!!